انور علي شاهه: انور علي شاهه: سيد انور علي شاهه 1906ع ڌاري ڳوٺ جهانپور شريف تعلقي گهوٽڪيءَ، ضلعي سکر ۾ ڄائو. سندس شجرو اٺن واسطن کان پوءِ عبدالڪريم شاهه سبيءَ واري ۽ چوڏهن واسطن کان پوءِ مخدوم سيد جهانيان جهان گشت (1334-1308ع) سان ملي ٿو.جڏهن کيس اسڪول ۾ پڙهڻ لاءِ ويهاريو ويو ته ان طرف ڪوبه ڌيان نه ڏنائين. مجبور ٿي مائٽن کيس گهر ۾ ويهاري ڇڏيو. پيءُ جي وفات کان پوءِ سندس تربيت جو ذمو سندس چاچي بهادرشاهه کنيو، جيڪو پاڻ عالم ۽ حافظ قرآن هو. انور شاهه کي جڏهن قرآن شريف پڙهڻ لاءِ ويهاريو ويو ته هڪ مهيني ۾ پڙهي پورو ڪيائين. ڪجهه وقت لاءِ جامع مسجد ۾ امامت به ڪيائين. نهايت سخي هوندو هو. ڳوٺ ۾ هڪ آشيانو به اڏيائين، جتي عقيدتمند ۽ مريد وٽس گهڻي انداز ۾ اچڻ لڳا. انهيءَ وقت کان شاعري پڻ شروع ڪيائين. سندس شاعري سنڌيءَ، اردوءَ، سرائيڪيءَ ۽ فارسيءَ ۾ آهي. 5 جولاءِ 1962ع تي وفات ڪيائين. سندس مزار تي هر سال 21 محرم تي ميلو لڳندو آهي
1906.00.00 عيسوي
انور علي شاهه: سيد انور علي شاهه 1906ع ڌاري ڳوٺ جهانپور شريف تعلقي گهوٽڪيءَ ، ضلعي سکر ۾ ڄائو
1962.07.05 عيسوي
انور علي شاهه 5 جولاءِ 1962ع تي وفات ڪئي